2011年3月18日

唔想講公司野, 暫時亦唔想講日本發生既事.

今篇blog容許我記錄開心事.

尋日係墨魚妹結婚既大日子, 祝佢永遠開開心心, 同老公仔鬧少D架啦~~ 唔好成日黑口黑面發脾四啦!! (有口話人無口話自己)

原來做姊妹仲攰過自己結婚, 尋晚通場跑, 都唔得閒好好地招呼賓客, 我自己基本上成晚無野落過肚咁濟, 哈哈!!

挑戰極限

返咗新工之後, 連BLOG都無時間無心情寫.

太詳細既野我唔想講啦, 我只可以講, 我試過下午五點半先得閒出去食"lunch"; 然後有一晚要OT到凌晨兩點先離開公司囉...

大老細同佢身邊既小田子雖然唔係成日都會係香港, 但佢地一喺香港office, 公司氣氛即刻變得好緊張囉...

小田子成日目無表情咁, 佢朝早返到office, 大家同事同佢講早晨, 佢會一D反應一點表情都無架囉, 都唔知佢係咪撞聾聽唔到我地講野呢?