卓韻芝棟篤笑 – 又悶又無聊, 勁想中途走

3月18日, 我同流沙包去咗會展睇卓韻芝棟篤笑, 我真係非常非常之後悔買咗飛黎睇.

 

我未試過睇棟篤笑係成晚都無笑過架囉, 內容勁膚淺勁無聊, 係度扮同性戀人士既動靜, 扮俞琤, 連自己阿婆都搬埋出黎, 我真係完全唔覺得有趣囉.

 

尤其是嘉賓環節, 我地果場既嘉賓係黃德斌, 我根本都唔睇香港既垃圾電視劇集, 對於黃生我真係一D興趣都無, 加上阿芝同佢既對話都唔知up乜, 講埋D咩野點樣搽cream, 又話咩自拍, 嘉賓要被阿芝摸胸… 做咩啫? 用黎攝時間呀!!?? 悶到我打住喊露咁去咗個toilet.

 

去完toilet返黎, 我同流沙包講不如走囉, 反而係流沙包話既然都買咗飛, 咪睇埋佢囉.

 

我唯有拎部iphone出黎自娛… 好辛苦捱到完場, 都未等到阿芝謝完幕, 我已經急急腳鬆人.

 

今晚真係嘥錢嘥時間, 仲要門票係$380咁貴, 早知攞D錢去睇多套舞台劇好過!!