今朝早有個客突然打黎, 話上網轉錢有問題, 轉唔到, 所以好急咁話要下午落黎香港既銀行搞掂D轉錢. 跟住又話用e-banking果陣有咩咩咩問題(佢講野得佢自己先明, 好難明白佢想表達咩意思). 跟住叫我打電話問銀行要點點點... (轉錢咪做TT囉, 你想問銀行D咩先...?)
係我蠢既, 我其實無義務陪佢去銀行, 大佬呀我地係會計師事務所, 包辦公司秘書, 稅務等等. 當初幫你成立佐公司之後, 陪埋你去銀行開立公司戶口己經係我地既bonus service, 你間公司之後有咩問題就自己問銀行啦... 我今次以為佢只係得幾個TT要做, 所以就無推卻佢陪埋佢去銀行啦. 點知去到我先知佢有廿幾間公司要TT... 我就局住每一單TT同佢填TT form, 真係填到我人都顛.
本來佢有D數係轉去香港公司, 唔駛做TT, 但佢要用US$找數, 所以又要同佢開多一個US$ current account. 跟住佢有D TT既款項太大, 銀行又要check呢樣check果樣. 我同個客由兩點鐘去到銀行, 搞到五點都未走得(淨係幫佢填TT form都用佐我個幾鐘啦!!). 我見我可以幫佢既野已經幫晒, 於是我就同客講我公司仲有野做, 走先. 個客就繼續留係銀行等攞番個証件.
我覺得有時D客真係太倚賴, 我地既service只係幫你做公司秘書, 會計同報稅. 但D客有D咩都走黎問我地, 有D離譜到報關既野都叫我地做, 痴線架!!? (我叫個客自己搵番個forwarder搞掂佢啦).
好似今日呢個客咁, 呢次我幫你填埋TT form我只係好心幫你既啫, 我臨走前都拎定一疊空白既TT form比個客, 叫佢下次可以自己預先填佐先拎黎銀行, 點知個客話:「我下個月會將D轉錢公司既資料比你, 你幫我填啦!」. 嘩, 唔係化? 我做埋你私人秘書呀? 你公司既日常業務關我地咩事呀? 於是我同個客講:「客人自己既公司業務我地盡量都唔會牽涉係裏面架, 而且我地都無可能兼顧得到」.
唉, 有無人可以教下我, 如果D客提出D無理要求, 根本唔係我地既服務範圍內, 我應該點回應好呢? 又唔可以講得太直接, 要轉婉表達, 唔可以得失D客, 又唔可以令個客bad feeling, 到底可以點講呢? 有無人可以教下我?
Hi there, nice to meet you and all the best. 復活節快樂！
回覆刪除本人願與你為友。網誌有 30 年義務工作分享、生活福音見證、健康飲食資料、
大量旅遊照片、笑話、時事分享及義務為網友解夢，
歡迎訂閱本人及加入作 blog 友，互動分享。
主耶穌基督為你我的過錯而受極苦釘死十字架，來訪認識祂，
祂是眾人來世界的最終目的，
努力成聖好能上天國光榮祂並且與祂享美果。
( 如果認為本文不當，在此致歉，並歡迎 閣下刪除本文及把本人列為黑名單，
則日後本人文章絕不能在此留言，謝謝。 )
你可唔可以話: 我唔係成日响公司, 有時會出差, 有時又要出去其它地方, 若你揾唔到我阻到你轉錢就唔好啦.
回覆刪除確實填 TT Form都幾煩, 我以前就 set 好個格式, 用電腦 print 快d, 但d紙太簿, 有時 jam 紙.....
[版主回覆04/06/2008 22:43:00]係啦, 果日可以話自己下午要開會, 唔得閒架麻, 自己死蠢~~
算啦!... 下次唔好咁傻豬啦! d 客係咁架啦! 成日以為自己俾左個com sec annual fee 就大晒, 以為咩都包晒... 我d clients 都係咁架... 有次有個client問我... 佢間公司個戶口要加多一個authorised signatory... 佢問我如果要做, 要幾耐做得到wor....... 勁無奈law... 我都係叫佢自己問個banker... 如果下次再係咁... 你同佢講, 應該銀行方面會清楚d 同埋佢地可以幫到你多d的... 一係, 你就同佢講... 幫佢填表要收錢law... 計返佢time cost... (咁, 就算幫佢填 nil return 都要收錢啦!)
回覆刪除[版主回覆04/28/2008 18:49:00]唉, 可惜我呢d細公司, 唔會計time cost架...