今朝早無返公司, 因為要九點半到達荃灣法院2號法庭. 話說我地公司有個客無交Profits Tax Return被政府告, 我地公司就代表個客出庭. 其實認罪果個唔係我, 係我個同事, 我就純粹去「見識」下, 睇下個程序到底係點而已.
咁大個女第一次去呢D地方, 今日2號庭主要係處理小販阻街擺賣既檢控, 違反交通規則既檢控, 同埋無上報稅表既檢控. 個官會叫名, 然後當事人要企出去, 個官會讀段檢控內容出黎, 然後問當事人認唔認罪, 再問有無求情, 跟住個官會話罰款幾多, 然後就可以離開啦.
離開法院之後就返番公司啦.
偷偷影佐兩張相:
陣間錯手拉埋你去坐監就正LOR~
回覆刪除I also did the same for my client long long time before... spent most of the time for waiting and just spoke for a few sentences... but "speak good words" for client (surely those acceptable reasons la) can really save $$$
回覆刪除我都試過上庭,不過係代表公司去告人欠我公司條數未找, 當然被告不在庭上, 因為間公司人去樓空, 走左佬, 法官一路問 , 我一路答 "係", 都幾緊張. 我個電話在開庭前響, 好彩冇比人沒收, 因為個職員話可以沒收你個電話, 等退庭時才發還給你.
回覆刪除你呢份工, 令係見識不少 wo!
回覆刪除廿三: 我係良好市民~ Sarah: 我地無好理由求情呀, 不過都係罰二千幾蚊啫. 咪咪貓&豆豆龍: 咩你咁大意唔較佐震機先. 三姑: 哈哈, 好過以前果份啦~
回覆刪除我間唔中都要去small claim tribunal
回覆刪除