貓貓相

這是元朗家政坊的肥貓, 懶洋洋的睡午覺曬太陽, 望住佢地, 有時覺得做貓好過做人.

呢三隻係我既姨甥仔女, 每一隻都有其性格.

之前去尖東食buffet, 諗住順路去探吓忌廉哥, 點知忌廉哥唔係度, 得忌廉嫂坐鎮.

tea buffet@黃金海岸酒店 -- Cafe Lagoon

1月20日, 流沙包同我去街街, 不過我地都諗唔到去邊, 於是近近地求其去咗黃金海岸行吓, 順便去酒店食tea buffet.

果度既tea buffet好似$208+10%, 說實在, 果度既tea buffet真係好麻麻, 你估唔到會有蝦條同埋卡樂B薯片供應, 同埋有好多款式, 比人攞晒之後就唔會再出第二輪囉...

我地坐既位置近住樓梯, 下午三點幾上層餐廳已經有live band喺度唱歌... 說實在我好怕喺D環境嘈雜既地方食飯, tea buffet我係想同流沙包靜靜地傾吓計囉, 但就比隊band嘈住晒, 討厭!

lunch buffet@海景嘉福酒店 -- Cafe on M

1月19日, 因為有朋友生日, 所以去咗食lunch buffet.

由於個fd指定話要有生蠔, 而lunch buffet又好少會有生蠔供應, 我打咗十幾個電話逐間酒店問, 最後揀咗尖東既海景嘉福酒店Cafe on M, 每位$325+10% (openrice有八折coupon可以印出黎用).

平時有流沙包幫我拆蟹肉, 今次要自己黎, 好攰呀...

果度有即開生蠔, 不過熱盤同甜品就麻麻地...

 

 

決戰一分鐘 -- 有無再低能白痴D?

果個乜鬼決戰一分鐘, 雖然我一集都無睇過, 但早排每晚睇新聞之前都見到佢既宣傳同遊戲玩法, 除咗白痴低能之外都唔知仲可以點形容呢個節目; 主持人仲話要練咗先好去參加?! 人生仲有好多有意義既野可以做吓嘛? 花時間練埋呢D小學雞都不如既所謂"遊戲"?!

前幾日睇到佢既廣告, 見到個肥仔坐喺地毯上面跣吓跣吓咁, holy cow!! 真係十萬個低B...

如果要比錢買外國既遊戲版權, 英國既THE MILLION POUND DROP LIVE好睇好多啦吓話??

北上玩小型賽車

1月9日, 我, 流沙包同埋佢D朋友一齊北上玩小型賽車. 事緣係佢地其中一個朋友有玩開小型賽車, 而且仲係比賽冠軍, 所以我地就跟埋佢一齊上去玩勒.

但呢樣活動都幾貴吓, 玩10分鐘就要RMB180. 同埋其實玩10分鐘雙手都已經幾攰吓.

我試過入彎既時候太快, 成架車打咗幾個白鴿轉上埋草地, 幾驚會反車呀...  

Lunch我地喺車場既餐廳食, RMB20一個餐, 是是但但啦~

玩完之後, 我地就去咗揼骨. 然後夜晚返番香港, 我同流沙包兩個人就去咗唱K.

 

節目豐富的一天~

high tea@CityU城峰閣

2013年1月5日, 我同流沙包返咗CityU, 因為佢話想睇大專盃排球比賽喎, 睇完先去維園既工展會.

睇比賽之前, 我地上咗康樂樓九樓既城峰閣, 諗住食個下午茶, 原來果度都有high tea喎, 我地梗係叫黎試吓啦~

雖然份量係少D, 但款式同味道都唔錯喎, 價錢只係$75(兩位用, 另加一), 好過上次日航high tea N倍啦~

最衰唔記得帶埋張城大信用卡, 否則好似有九折添喎~~