DD

Yahoo Blog一直都有唔少問題, 最近仲變本加厲, D問題多到暈, 我遇到既問題有:

1. upload相, upload 10張得5張出到黎, 剩番果5張再次upload, 得3張出到黎, 頂, upload幾張相要upload 3次.
2. 打完blog想發表啦, 成日彈句”正在處理中”出黎, 但處理佐半個鐘, 成篇blog最後係無晒囉… 頂! 個blog本身已經老土架啦, 寫緊果陣唔可以copy, 我而家已經係word打好晒再copy & paste去blog, 但有時出完blog想修改, 改極都改唔到囉.
3. 到今日, 竟然發覺delete唔到D留言囉… 然後我回覆留言後, 轉過頭竟然唔見晒自己D回覆, 頂, 點呀?
4. 之前無啦啦無果樣整果樣, 留言要打驗證碼, 但唔知點解D驗證碼要咁        Q難睇架囉, 正正常常顯示出黎唔得既? 餐餐都要試幾次先可以成功留言, 有時搞搞吓成個留言唔見佐, 都無心機再打過啦!!

Yahoo Blog係咪唔想做想摺呀? 係既唔該快D通知, 我嗱嗱臨搬啦, 頂!! 唔該唔好成日嘥我時間啦, 出篇blog搞成粒鐘都出唔到, 麻鬼煩!!!

2010年2月13日(六) -- part 2: 袋田瀑布

要睇袋田之滝, 先要經過條隧道:

 

 

行五分鐘左右就見到瀑布啦:

 

 

出面有條吊橋:

 

 

 

 

 

 

仲有lift可以搭上去添. 上到黎, 景觀開揚好多.

 

點解我縮埋晒一邊?:

 

係呢度就要呻一呻啦, 我係日本去過唔少景點, 真係就算D人唔出聲, 外表裝扮上無咩分別都好, 我一眼都可以分得出邊D係日本人, 邊D係中國人囉. 影相果陣, 你明明企定定準備影架啦, 都竟然有人可以攝係你側邊自顧自拍, 好似當你透明咁, 有時仲過份到一大班人攝晒埋黎, 搞到調番轉頭好似你阻住佢地影相咁, 我自己未影到不特止, 仲要讓番個位出黎比佢地影, 呢D咁老土既人咪肯定係中國人囉. 我呢張相迫埋係角落頭, 咪就係側邊有班大陸佬衝佐上黎影合照囉... 怕鬼佐佢地...

行完瀑布我地就買燒鮎魚同つくね食, 其實我之前一人旅行果陣, 成日都見到有燒魚賣, 但係我本身唔鍾意食魚, 所以一直都無諗住試. 但今次同埋流沙包一齊, 有人同我share, 所以今次就可以買黎試吓啦~ 估唔到今次既鮎魚燒又幾好食喎, 我初初仲驚住會好腥添, 但我呢個唔鍾意食魚既人都覺得幾好味, 唔錯~

 

呢碟野係送既:

跟住就要趕返車站等巴士啦, 雪亦都越落越大, 唉...

 

2010年2月13日(六) -- part 1: 出發往茨城縣

星期六, 又出發, 今次近近地去佐茨城縣, 因為全日本47個都道府縣, 東日本已經比我征服晒, 但唯獨是茨城縣未去過, 所以今個weekend就同流沙包去個短trip勒.

 

我地一朝早由上野搭スーパーひたち去水戶.

係車上面食流沙包尋日買既龍貓cream puff做早餐:

好殘忍呀, 終於咬佐啖落去:

小花同呢隻龍貓都有朶花花係頭頂, 黎番張合照先:

然後再係水戶轉水郡線去常陸大子站:

黎到常陸大子站, 再轉大子町觀光周遊巴士去袋田之滝(其實唔駛去到常陸大子站都得, 早一個站係袋田站落車都有巴士去到袋田之滝).

 

 

落佐車之後要行大約十分鐘左右, 沿途有好多土產店:

 

 

 

 

 

沿路有好多燒鮎魚賣呀:

黎到袋田之滝既tunnel入口啦, 入場費300円:

超可愛龍貓造型cream puffs

12號星期五我要返工, 於是我駛佐流沙包去幫我買野.

 

之前睇blog友deko.boko既介紹, 得知一間賣龍貓造型既cream puffs, 外型超超超可愛, 於是即刻叫流沙包去買黎比我食.

 

舖頭website:

 

http://www.shiro-hige.com/

 

間舖頭係高井戶駅, 係涉谷搭京王井之頭線, 約20分鐘就到高井戶駅啦.

 

就係呢間舖頭啦:

 

 

嘩, 勁可愛呀:

 

流沙包話果陣啱啱有一批出爐, 舖頭既staff好好人咁成盤放出黎比流沙包影相:

 

 

然後流沙包去佐我公司附近既ねんりん家買包.

 

 

 

我公司附近既銀座夜景:

夜晚要同流沙包去買JR East Pass(我返工既時候佢就一個人自己週圍去), 所以放工後去佐上野, 晚餐食咖喱飯.

 

呢盒就係流沙包買既龍貓cream puffs啦, 真係唔捨得食呀:

 

2010年2月11日(四) -- 日本科學未來館, 江戶東京博物館

行完日本科學未來館, 我見只係三點半, 仲有時間, 於是去埋江戶東京博物館.

 

呢個博物館亦都係得兩層可以行, 分別係5樓同6樓, 但由於我鍾意舊史野既關係, 我覺得呢度好值得黎.

 

 

 

 

 

 

 

 

 

 

 

 

 

 

 

但可惜我地五點九約佐人係新宿, 所以只可以係呢個博物館逗留半個鐘咋, 早知唔去果個未來館啦, 嘥時間...

 

我今晚約佐係Blog認識既在日香港人見面呀, 計埋我同流沙包total 11個人, 其中我只係識得幾個, 全部都係Blog識番黎的, 今晚係我第一次見佢地. Blog真係好神奇, 我係香港寫佐咁耐Blog, 同部份香港Blog友都識佐好幾年, 但我就一次都無見過佢地; 反而在日Blog友我只係識佐半年or幾個月而已, 估唔到可以係日本約出黎見面.

 

餐飯既氣氛好熱鬧呀, 同埋食物都唔錯, 價錢亦唔貴, good~~~

 

 

 

 

 

多謝以斯帖記既蘿蔔糕同埋蛋卷.

 

亦多謝Carol係返屋企既途中聽我up佐咁多廢話.

 

同埋好多謝大家搞呢餐新年飯, 讓我有機會認識到大家.

 

可惜雪熊唔舒服黎唔到, 我地兩個住得咁近, 唔知我地兩個係返香港之前有無機會見到面呢? 哈哈~~