星馬五天遊 Day 3 (part 1) -- 12 March 2013

 

行程第三日, 由吉隆坡落馬六甲, 今日大部份都係自費行程 (包括參觀娘惹屋, 遊船河, 坐三輪車及水果自助餐, 收費每人馬幣90, 即約HK$230).

一朝早先去參觀娘惹屋, 跟據當地導遊講解, "娘惹"既意思係混血兒, 即華人mix馬拉喎.

 

跟住本來去遊船, 但去到發覺要洗河喎, 所以無得坐. (勁開心, 我好憎遊船架囉, 餐餐去旅行都要自費遊船, 我真係遊到好厭啦!!!) 



然後我地去到荷蘭紅屋廣場, 跟住坐五分鐘三輪車去到馬六甲山.

 

山頂係聖保羅教堂既遺址.

 

果度D貓好瘦:

星馬五天遊 Day 2 (part 2) -- 11 March 2013

離開獨立廣場後, 我地去到賣手信既地方 -- 朱古力專門店, 有好多試食, 但我乜都無買.

然後去到另一間賣手信既地方, 果度賣洞燕, 東革阿里, 肉骨茶之類, 全團人都無人買, 哈哈.

跟住我地去食lunch.

食完lunch, 我地又去到賣手信既地方 -- 咖啡城, 有得試飲, 不過我都係無買過野.

下一站繼續係賣手信既地方 -- 錫器專門店, 得個行字, 都唔會買野架啦, 悶到爆, 好在有WIFI用吓.

 

離開錫器廠, 我地黎到雙子塔, 果度既商場好似香港既又一城咁, 無咩特別野好行囉.

 

雙子塔只有呢個範圍可以影相:

到咗五點半, 大家團友就集合去食飯, 我就要獨自離團, 因為我約咗當地朋友見面食飯.

朋友六點先放工, 黎到雙子塔大約七點, 我就繼續喺雙子塔等佢, 原來佢仲叫咗兩個friends黎一齊食飯, 我地今晚食檳城菜.

又食又傾, 離開餐廳已經十點半, 之後朋友帶咗我去吉隆坡塔睇吓.

然後車咗我去一個影雙子塔既熱門地點.

 

跟住我地揸車兜咗陣唐人街, 然後就去咗食宵夜.

食完宵夜, 再去咗舊既蘇丹皇宮睇吓, 跟住朋友就車我返酒店啦.

玩到凌晨一點, 朋友第二日仲要返工, 真係多謝晒佢地~~ 唔知幾時先有機會再見喇...

星馬五天遊 Day 2 (part 1) -- 11 March 2013

第二朝, 先喺酒店食早餐.

跟住出發去國家博物館, 果度有兩層, 唔算好大.

 

博物館裏面都有貓貓:


呢本係可蘭經:

然後我地去到新既蘇丹皇宮, 好熱好曬呀, 嗱嗱臨影完相就撲返上車.

下一站係英雄紀念碑, 越黎越曬, 簡直唔想落車.

再跟住又去到清真寺, 我見無咩特別, 都懶得落車影相, D相由墨魚媽提供.

中午12點正, 黎到無遮無掩既獨立廣場, 我真係唔想落車喇, 所以D相繼續由墨魚媽提供.