2012年6月10日(日) -- 紅十字會週年捐血頒獎典禮

6月10日, 陪流沙包去咗九展出席紅十字會週年捐血頒獎典禮, 因為流沙包既捐血次數已經超過50次.

我初初以為去到係一排排咁坐, 拎完獎就走; 估唔到有餐食架喎... 我地11點去到九展, 先頒發捐血獎章先.

紅十字會送既紀念品:

頒完獎, 發晒言, 致晒辭之後, 午宴先會開始, 呢段期間我地就週圍影吓相先.

 

 

到咗一點, 午宴終於開始.

我係自私既AB型, 所以基本上我都好少捐血, 因為覺得自己既血型無咩用...

午宴結束, 紅十字會職員係門口列隊歡送大家.

2012年5月30日(三) -- my last day at PK舊公司

5月30日, 係我喺舊公司既LAST DAY, 我對呢間PK死日本公司一D留戀都無, 但係就好唔捨得D好同事.

我個位, last day果日依然係忙到死.

送比同事既禮物.

今日既lunch, 同honey admin同事兩條友去咗shabu shabu:

5月31日我就返新工啦, 回歸上環CPA firm.

2012年西歐六國十天之旅 -- Day 3

 

2012年5月15日, 行程第三天, 我地今日晨咁早四點就起身, 因為我地今朝要搭七點既BA2542由英國飛羅馬.

飛機餐, 條朱古力粒麵包又幾好食喎:

到達羅馬之後, 我地先去咗喺梵蒂岡附近既中餐廳食lunch:

食完lunch, 我地就行路入去梵蒂岡.

D水好清涼架, 不過我地無飲到:

黎到梵蒂岡, 當然係要排隊入聖彼得大教堂, 今次黎無咁多人, 排咗唔駛好耐就入到去.

離開梵蒂岡之後, 我地去到君士坦丁凱旋門同埋鬥獸場. 今次呢個領隊有提醒我地唔好立亂行埋去果D著晒古羅馬戰士衫既人度影相; 上次跟勝景遊黎, 個領隊無提醒我地, 我就比果D"戰士"捉住咗黎影相屈錢...

今日真係又熱又晒呀...

離開鬥獸場, 我地再搭車去到許願泉. 其實鬥獸場同許願泉係好近距離的, 我地上次跟勝景遊黎, 係由鬥獸場行路去許願泉, 所以我地沿途可以睇到廢墟遺跡同埋其他景點; 但今次跟美麗華黎, 就只可以係車上望出去.

許願泉一定係人山人海, 我又熱又攰, 相都唔想影多張...

不停買野食...

離開許願泉, 我地就返酒店啦, 今晚喺酒店餐廳食飯.

個豬肉青豆出奇地好食.

 

2012年西歐六國十天之旅 -- Day 2 (part 3/3)

黎到Covent Garden Market.

 

離開Covent Garden Market後, 墨魚爸媽就返酒店先, 我地幾個後生就搭地鐵去Harrods.

買咗1 day pass, 因為我地一陣仲要搭返酒店. 由於酒店喺Zone 6, 呢張pass好似要8個幾英磅:

黎到Harrods, 明明三年前黎買野買得好開心, 都買咗唔少野, 但唔知點解今次黎到, 覺得D野又貴又唔值, 加上我間PK公司要摺, 當其時又未搵到新工怕自己會失業, 結果咩野都無買到...

跟住我地就搭地鐵返酒店, 今晚我地會同喺英國生活既堂家姐同埋姐夫一齊食飯, 佢地揸車黎到我地酒店, 我地一行人就行去酒店附近既餐廳食飯.

就係呢間餐廳啦, The Green Man, 我手上既環保袋係堂家姐送比我地既禮物:

唔知點解, 餐廳話今日無steak又無burger, 結果我地叫咗呢D野. 由落單到上菜, 足足等咗半個鐘有多, 我地幾個又攰又眼訓, 等到呆咗:

食完飯我地就返酒店, 堂家姐佢地就揸車返屋企.