2009年, 我同流沙包2個人去歐洲Honeymoon; 到今年2012年, 再一次歐遊, 不過今次主要目的係帶墨魚媽同墨魚爸去, 總團費由我同墨魚妹二人平分.
我地參加既係美麗華旅遊, 團號係EWLL10/13(十天同十三天既團友都係同一個團), 我同流沙包二個人係十天, 其他屋企人就係十三天. 因為我同流沙包唔方便請咁多日假, 而且十三天團只係去埋比利時同法國, 由於我同流沙包已經去過, 所以我地兩個決定join十天就算.
團費方面, 十天團既團費係$16,899+機場稅/燃油附加費/行政費$4,284, 減晒所有優惠-$3,400=$17,783 (仲未計保險, 因為我地另外自己買, 無跟旅行社買)
十三天團既團費係$20,499+機場稅/燃油附加費/行政費$4,597, 減晒所有優惠-$3,000=$22,096 (都係未計保險)
我地一行六人, 2人join十天, 4人join十三天, 所以總團費就係$123,950.
出發日期係母親節正日5月13日(日)晚, 搭英航BA26, 夜晚23:15起飛, 到達英國係當地時間凌晨5點.
難食既飛機餐:去到英國, 我先知原來成團有47人?! 有無搞錯呀? 四十幾人一團, 我就真係未試過囉... 我上次跟勝景遊6月中出發, 都係27人一團咋嘛. 其實揀旅行社既時候, 我地一心揀有去荷蘭十年一度既花卉博覽會, 同埋盡量唔好太重覆我三年前去既行程, 所以最後先揀咗美麗華, 但下次都係跟番勝景遊好過.
落機後我地先去酒店放低行李(咁早當然未可以check-in), 同埋喺酒店食埋早餐(本來呢個早餐係聽朝既, 不過因為聽朝要晨早七點去到機場飛羅馬, 食唔到早餐, 所以就安排今朝食咗聽朝既早餐喎).
我地今晚住既酒店, Jurys Inn, 普普通通啦...:酒店早餐, 叫做好豐富架啦~:
酒店裏面既shop:食完酒店早餐, 我地就出發市內觀光, 唔駛問一定係白金漢宮, 大笨鐘, 西敏寺etc.. 不過今日天氣真係好差, 又凍(得十度左右)又落雨...
