又黎中秋節BBQ

9月23日, 去佐我姑仔屋企會所搞既BBQ晚會, 我同流沙包連續兩晚都BBQ, 真係未試過.

會所提供燒烤包, 另外我地自己買佐D蝦, 魚同埋牛肩肉粒.

 

 

 

 

 

今晚有少少雨, 我地要一路擔遮一路燒野食, 因為D炭濕佐水, D炭屎好鬼勁, 係咁爆出黎, 彈出黎D炭屎辣穿佐我對legging同件衫呀, 嗚...

中秋節BBQ

舊年既中秋節, 一個人孤零零咁係日本生活; 今年既中秋節, 可以係香港大玩特玩啦~

9月22日, 我地去佐某個friend屋企燒雞翼.

燒野食梗係唔會淨係燒腸仔雞翼豬扒之類咁普通啦~

仲有佢地:

 

 

 

 

 

中秋呢兩日落雨, 仲以為見唔到月光, 估唔到可以見得到:

呢晚仲有人放孔明燈添:

 

中秋節晚會

9月19日, 屋企會所搞佐個中秋節晚會, 我係呢度住佐3, 4年, 一次都未參加過, 次次都出佐街, 今年終於可以參加一次啦~

我玩呢個遊戲掟中佐最中間既紅心, 嬴佐個大獎呀, 勁!!:

大獎係咩? 咪呢舊咁既"gei野"囉, 唉... 黎手送佐比個0靚妹(唔識的, 路人一名):

猜中廿條燈謎以上可攞走燈籠一個:

玩砌puzzle嬴得一支"發光體", 送埋比0靚妹:

又買化妝品

話說我油牆假期開始"研究"化妝, 上次對眼咪化到熊貓眼咁既, 我就係用呢支SASA買既眼線筆, 真係好唔掂...

呢枝眼線液($58@SASA)都係之前買, 化就無乜點化(我無畫到咁忟邊, 內眼線完全無畫, 唔知係咪咁所以無乜甩?), 不過感覺好唔上色囉...

之後經過BLOG友既推介 + 自己係D討論區睇人地既comments, 前幾日又買佐D化妝品返黎.

包括呢支Kiss me眼線筆($49@SASA), 討論區D姊妹話可以用佢畫眼線, 仲可以用筆頭舊膠blend開做埋眼影, 我就攞黎畫少少下眼線, 然後係外眼角blend開:

順便平平地買埋支mascara($59@SASA), 我根本無乜用過mascara, 所以唔知點先叫好用:

另外仲順便買另一隻雙眼皮膠水試吓($49@SASA), 暫時仲未用過:

我知BLOG友仲有好多好既推介, 不過等我用埋呢堆先再買啦, 因為我都驚呢堆野比我用幾次就唔再用... 我都唔知自己頂唔頂得順成日化妝出街...

朱古力鬆餅muffin (附食譜)

本來我係想整牛油曲奇先架, 點知發覺屋企無罐頭刀呀(因為之前拎埋過日本生活, 無拎返番黎香港), 開唔到個罐裝牛油, 所以就改整鬆餅啦.

呢個食譜係參照韋太烹飪教室架.


材料(3~4個份量):
1. 低筋麵粉 100g
2. 粟粉 20g
3. 泡打粉 3g
4. 可可粉 15g
5. 砂糖 50g
6. (溶)牛油 30g
7. 雞蛋 1隻
8. 鮮奶 55g
9. 入爐朱古力 隨意

步驟(預熱焗爐190度 15分鐘):
1. 熱溶牛油, 將砂糖, 雞蛋, 鮮奶加入, 打勻

2. 將低筋麵粉, 粟粉, 泡打粉及可可粉篩入步驟1的材料內, 拌勻

3. 加入入爐朱古力
4. 將已拌好的麵糊, 用小匙舀落杯內至半滿

5. 入爐用190度焗20分鐘

大約成本: $11

事後檢討:
1. 20分鐘我覺得太耐, 個餅面焗到有點硬, 下次試吓焗15分鐘
2. 我舀半滿都發到咁大, 下次試吓舀三分一滿, 咁樣可以整到4杯
3. 泡打粉3g其實有幾多茶匙? 我用電子磅去量, 明明覺得自己落佐好多, 但個顯示器郁都唔郁吓, D粉落極都只係顯示0g, 都唔知有無落多/落少到...
4. 我見人地D鬆餅通常都係個面裂開, 但我個鬆餅面就好平滑無爆, 但就喺側邊裂, 個樣好似好怪咁既...?  

10月去睇水舞間~~

終於好難咁等流沙包confirm到幾時得閒唔駛做野, 可以陪我過澳門玩2日1夜兼睇水舞間.

跟住嗱嗱臨上網book酒店同訂飛, 咁啱呢幾日澳門威尼斯人有個3週年優惠, 房租連稅都只係$1,343.2. (雖然我已經住過威尼斯人, 但流沙包未住過, 我又好想同佢去住一次)

跟住訂埋水舞間飛, 我訂佐B區$680門票, 座位係323~324, 都OK掛?

暫時酒店+門票夾埋要$2,713.2, 但係仲未買船飛, 唔知邊度買會平D呢? (以前返工返上環, 係地鐵站通往信德中心既通道, 成日見到D阿姐企係度兜售船飛, 其實果D係咪平D? 定還是係D"賭場船飛"黎架?)

(唔算成功的)輕芝士蛋糕

呢排身痕成日上網/睇書整甜品, 某日上網見到呢個輕芝士蛋糕既食譜, 見到佢焗完出黎個cake鬼咁靚, 齋睇相都好鬼吸引, 於是自己試吓整啦.

由於個食譜係for八吋蛋糕, 我得六吋模, 所以將D材料乘0.56轉做六吋蛋糕. 另外我用佐隔水焗既方法呀, 其實係咪應該要座水焗好D呢?

食譜我就唔係度重覆啦, 因為本身條link已經寫得好詳細.

我想講既係我既完成品.

 

 

 

 

大約成本: $21

點解個樣咁架...? 我唔多滿意呢次既結果, 原因有四個:
1. 人地個蛋糕焗完出黎, 切埋一份份之後都仲係脹book book, 好有"彈性"咁架麻; 我個cake焗完一拎出爐, 就即刻收縮, 變到扁tat tat咁...
2. 人地個蛋糕裏面係白雪雪, 好軟綿綿, 質感好纖細; 點解我果個焗完出黎, 裏面係咁黃, 而且質感好粗糙呀
3. 人地個蛋糕面焗得咁靚, 光滑, 拱起, 好靚仔; 點解我果個蛋糕面焗完出黎, 表面變得凹凸不平, 又多窿窿(我入爐前明明有"鄧"吓佢"鄧"走D氣泡架喎), 好似月球表面咁...
4. 味道麻麻, 唔係我想像中既日式芝士蛋糕味道囉...

到底問題出係邊呢??

雞肉意大利飯+自製蒜蓉包

今次試吓整意大利飯, 整就唔算太難, 但我覺得味道就麻麻地, 到底點解呢?

雞肉意大利飯 $48.3

材料(3人份):
1. 意大利米 Arborio rice 300g $17.2
2. 白酒 100ml $5.2
3. 雞肉 隨意 $6
4. 牛油 一舊
5. 巴馬芝士 Parmesan 40g $8
6. 雞湯 1,000ml $10.9
7. 洋葱 半個 $1

步驟:
1. 先將雞肉炒一炒, 盛起
2. 將洋葱落鑊爆香
3. 落下飯粒
4. 加入白酒, 不停攪令飯粒吸收
5. 分次逐少加入雞湯(可預先煲熱), 不停攪.
6. 不斷重覆步驟4(需時約20~30分鐘)

7. 雞湯落完後, 飯粒應已OK, 此時可放入材料, 攪勻
8. 加入牛油及巴馬芝士, 攪勻

9. 加少許鹽及胡椒, 完成

自製蒜蓉包

材料:
1. 蒜蓉 (今次比較懶, 用佐現成蒜蓉)
2. 牛油
3. 麵包 2塊

(蒜蓉醬可整定放係雪櫃, 材料包括蒜頭20g(刴成蓉, 放白鑊炒一炒, 否則慢慢會變青色的), 牛油40g用熱水助溶, 加入已炒的蒜蓉, 鹽, 香草如百里香thyme之類撈勻便成為蒜蓉醬, 入膠盒放入雪櫃保存便可)

步驟:
1. 將牛油, 蒜蓉, 少許鹽撈埋一齊

2. 撈勻後搽上麵包

3. 放入180度焗爐焗約5分鐘, 或者焗至開始變金黃色便可

事後檢討:
1. 意大利飯味道麻麻, 是雞湯味道問題?
2. 意大利飯下次會加埋蘑菇

焗藍莓芝士蛋糕 (附食譜)

今年小花個生日蛋糕係我親手整既, 係焗藍莓芝士蛋糕, 整法其實同紐約芝士餅一樣, 只不過今次落埋藍莓醬而已.


材料(6吋蛋糕):

餅底
1. 消化餅碎/芝士餅碎 75g(約五塊消化餅) $3.8
2. 牛油 28g $2.1

芝士餡
1. 忌廉芝士 280g $28
2. 糖 60g
3. 全蛋 2隻 $2
4. 藍莓果醬 40g $4.1
5. 牛油 60g $4.5

餅面
1. 酸忌廉 50g $3.2
2. 糖 25g
3. 藍莓 隨意 $7


步驟:
1. 預熱焗爐180度
2. 將消化餅壓碎
3. 用熱水助溶牛油, 然後將消化餅及溶牛油撈勻
4. 將消化餅鋪勻蛋糕模, 壓實做成餅底, 記得邊位一定要壓得實一點
5. 將已放室溫變軟的忌廉芝士切開一舊舊, 用打蛋機打一打散
6. 將糖分3次加入忌廉芝士打滑(用1度打), 每次打十零秒就要停機, 記得每打完1次後, 先用蛋糕挖將邊邊果D撥番去中間, 然後先再加糖再打

7. 將蛋分3~4次加入忌廉芝士, 記得每打完1次後, 先用蛋糕挖將邊邊果D撥番去中間, 然後先再加蛋再打 
8. 加入藍莓果醬及溶牛油, 人手拌勻(不用機打)

9. 將芝士餡倒入蛋糕模, 放入180度焗爐焗40分鐘, 由於用的是蒸焗法, 記得在焗盤加熱水焗

10. 餅面變金黃色後, 將蛋糕取出

11. 將酸忌廉加糖用手攪勻, 鋪在餅面上, 然後將蛋糕再放入焗爐, 不用開爐, 只用餘溫烘5~10分鐘

12. 取出蛋糕, 起模, 室溫攤凍後, 可隨意放上藍莓及其他生果做裝飾
 

大約成本: $54.7


事後檢討:
1. 上次整紐約芝士餅果陣覺得個消化餅底唔夠厚, 於是今次用佐六塊消化餅, 但食落真係好重消化餅味, 完全搶晒個芝士蛋糕D味, 下次都係用番五塊消化餅黎整
2. 我覺得唔係太重藍莓味, 下次試吓落多D果醬. 同埋今次真係太重消化餅味, 完全食唔出芝士味... 其實係咪要落少少檸檬汁會好D呢?
3. 上次整紐約芝士餅果陣 我話焗佐50分鐘個餅面先變金黃色; 今次唔知係咪個焗盤落得太少水, 焗佐35分鐘個餅面已經變做啡色, 而且仲開始裂添喎, 即刻熄爐. D時間真係好難預呀~
4. 我覺得餅面應該放藍莓果醬先襯番個餅, 不過我見雪櫃仲有少少酸忌廉用剩, 咪索性用埋黎做餅面囉