2010年3月7日(日) -- 橫浜一天遊 part 3: Bayside Outlet

離開拉麵博物館時已經4點8, 嗱嗱臨去JR新橫浜站搭去新杉田, 再轉Seaside Line去到鳥浜站.

個outlet離車站都唔近, 要行十幾分鐘左右, 最慘係今日落雨, 天氣又凍, 加上海邊又超大風, 果十幾分鐘既路程真係幾攞命...

 

個outlet收八點, 我六點幾先去到, 即刻開turbo快行啦~~

 

 

不過呢個outlet好細, 快行的話真係一個鐘可以行得晒, 我就唔建議大家黎呢個outlet啦... 但估唔到呢度有流沙包既"飛佛"D310喎.

 

雖然呢度唔大, 但係我又買到野喎, 唉... 唔知個喼仲有幾多位剩呢?

2,205円:

1,890円:

以下呢兩件衫都係1,995円一件咋(唔知點解我買黎買去都係呢類型既衫):

 

 

仲買佐兩條鍊用黎襯衫, 每條840円:

 

仲有呢朶襯花, 原價1,995円, 我見個label明明係特價1,050円, 後尾睇番張receipt, 只係收佐525円咋, 非常抵呀~ 早知買多幾款啦~~:

係拉麵博物館買佐幾樣野.

大家估吓係咩黎既?:

杯麵一個 168円:

 

仲有呢隻叉 840円, 無端端點解買隻叉? 因為呢隻係食拉麵專用既叉喎, 中間有波浪紋架(一個無聊人買埋D無聊玩意):

 

 

呢度既拉麵店有提供呢隻拉麵專用叉比客人試用架, 有興趣者可以問店員拎黎試吓.

2010年3月7日(日) -- 橫浜一天遊 part 2: 新橫浜拉麵博物館

離開麵包超人館, 搭番市營地下鉄由高島町去到新橫浜站, 網頁話一出地鐵站徒步一分鐘就到拉麵博物館喎...

 

但係我又盪失路啦(無法啦張地圖好唔詳情), 行佐成十幾分鐘先搵到個博物館.

 

 

 

個博物館有3層, 地面係shop同埋小小拉麵歷史既介紹.

 

 

 

B1同B2係模擬番1958年既街景同埋有幾間拉麵店.

 

 

 

 

 

 

 

幾廿年前既學校給食:

呢個駄菓子店既staff好搞笑呀, 化妝令到自己變成阿伯樣, 而且佢好敬業樂業架, 一直元氣地招咪客人:

呢D噹噹, 好令人懷念呀, 我以前細個都成日去抽架:

呢度既拉麵店有人氣同非人氣, 人氣果D起碼要排半個鐘至九個字以上; 非人氣果D完全唔駛等位.

 

 

我當然唔同佢地顛啦, 揀佐間唔駛等位既中華拉麵(我發覺唔駛等位果D都係中華拉麵既舖頭).

 

今日既lunch(都成3點幾先食lunch), 幫襯佐井上商店, 850円:

雖然呢間唔駛等位, 但我覺得個拉麵都好好食喎...

 

2010年3月7日(六) -- 橫浜一天遊 part 1: 麵包超人館

今日去佐橫浜, 目的地有三個, 分別係麵包超人館(Anpanman Children Museum), 新橫浜拉麵博物館同埋橫浜Bayside Outlet.

 

由屋企出發有電車直接去到橫浜駅, 然後轉市營地下鉄去到高島町駅.

 

由車站行十分鐘左右就去到麵包超人館:

 

 

如果唔入去museum, 果度都有D shops可以行既:

 

 

呢間麵包店, 買麵包要大排長龍, 我就唔得閒排啦:

 

 

每個包賣300円:

 

 

一場黎到, 放低1,000円入museum參觀吓啦~

 

一入門口就見到大頭麵包超人:

好可愛既locker呀:

原來麵包超人入佐健力士架喎:

如果小朋友黎到應該會玩得好開心, 我呢D大人當然又係行個圈就算啦.

 

我對麵包超人其實無咩興趣, 所以一樣野都無買到.

友達來日出張

上星期, 有friend黎佐日本出差.

3月3日放工後, 我地去佐渋谷行吓, 個fd買佐幾隻日本CD.

因為朋友係食素既, 所以我地無興趣去大魚大肉, 今晚我地去佐食讚岐烏冬:

3月4日, 我地去佐新宿, 因為友達個喼爛佐, 所以我地去佐ドンキホーテ買喼.

3月5日, 我地去佐六本木Hills睇夜景.

 

 

 

 

 

森美術館因為展示交換進行中, 所以閉館中, 無得參觀, 但係入場費都仍然係1,500円, 日本人都唔知點做生意架…

今晚去佐食R Burger, 因為朋友想試個豆腐漢堡.

 

今晚既甜品, 非常飽:

 

3月6日, 我地去佐淺草行.

 

 

南瓜炸饅頭, 好食:

 

今日既lunch, 去佐我地N年前日本留學時成日去既餐廳: Saizeriya, 懷緬一番:

 

下午個friend就要上機返香港啦… 我就再去渋谷行吓. 我黎過日本N次, 今次黎做野喺日本住佐大半年, 但我今日先第一次踏足109, 真係out…

不過D野真係完全唔啱我囉, 我老啦… 嗚…

之後又去佐BOOK OFF行吓, 今次終於都有收穫啦, yeah!!.