又上茶道

今日我又去上茶道課, 今次仲著埋浴衣添喎(但係坐到我對腳痺晒...)

茶道真係比我想像中更加講究, 連非常細微既地方都有步驟要記, 例如個仕覆(裝住茶入既小袋子)要點樣打開, 條繩要點樣擺, 手巾要點樣摺等等, 都一樣有step.

老師非常好, 肯教我呢個日文渣到屎既non-Japanese, 仲主動問我有無帶相機, 幫我影埋相添喎.

同老師合照:

同吳服店老闆娘合照, 多謝佢教我點著和服同埋今次借套浴衣比我上堂:

上完茶道課後, 我趁未天黑仲有時間, 嗱嗱臨去埋東京大學睇吓先.


東大咁出名, 其實想黎參觀好耐架啦, 今日終於有時間黎.

我去佐本鄉campus, 因為我想黎睇吓赤門呀, 之前睇漫畫成日見會提起赤門, 所以點都要親身黎睇吓:

然後入佐campus裏面行佐陣.

可惜話咁快就天黑lu, 行佐陣就要走勒...

之後係東大門前有巴士直接去到秋葉原, 我去佐秋葉原既Book Off行吓想買書睇, 但係咩都睇唔啱, 最後空手而回...

2010年2月27日(六) -- 谷中地區

今日去佐日暮里站既谷中地區行吓, 我首先去佐谷中銀座, 呢度兩旁有好多賣土產, 惣菜, 小食之類既舖頭, 不過條街唔係好長, 好快就行完.

 

因為唔少舖頭都寫明不准拍照, 所以都無咩影相比大家睇.

呢間餐廳叫深圳? 淨係睇個名都已經唔想入去食…:


我睇中佐呢件兔仔型衫架, 但價錢勁貴(大家可以試估吓幾多錢), 都係算把啦...:


沿途買佐呢兩樣野食:


跟住唔知點解黎佐一個叫"貓町"既地方, 係展示一些同貓有關既作品:

呢度有好多寺院架:

谷中呢度聽聞有好多流浪貓, 亦有好多以貓為主題既舖頭架,  可惜行佐咁耐, 一隻貓貓都未見到...


 跟住黎到谷中靈園, 呢度安放佐第十五代將軍, 德川慶喜之墓:

黎到谷中靈園, 終於見到貓貓啦, yeah!!:

有D貓完全唔怕人, 仲主動走埋D人度嗲嗲添喎(oh, 但係無野比你食喎):

我估呢度D貓貓應該有人餵的, 否則點會食到咁肥脂大隻:

隻隻貓都懶洋洋咁, 淨係望住佢地個樣都覺得佢地好歎咁, 真係羨慕死人, 點解人類要生活得咁忙碌呢...?:

2010年2月21日(日) -- 地下鉄博物館

今日流沙包離開日本, 我同佢一齊去車站, 佢就去機場, 而我就又黎博物館同美術館之旅.

我首先去佐地下鉄博物館, 呢度都幾得意架.

呢部係售票機:

入場券成張車飛咁:

入閘(入場)啦:

 

 

 

 

 

"電車Go!"?:

 

有電車鐡道模型:

 

 

之後去佐三井記念美術館:

跟住去佐泉屋博古館分館, 唔駛三分鐘就出番黎:

再順步行去大倉集古館:

今日旅程完畢.

Agnes B tote bag

日本向來都興買雜誌送袋, 但講真我就無咩興趣勒.

 

越來越不知所謂的香港...

黎佐日本之後, 我對香港所發生既事好似隔岸觀火咁, 我當然都有留意香港既新聞, 但覺得香港呢個地方好似越黎越不知所謂咁...

 

淨係講最近既兩單大事呀, 土瓜樓塌樓, 我一睇個標題淨係諗住塌天花塌簷蓬之類咋麻, 點知原來真係成幢樓塌晒...

 

oh my god, 到底咩事呀? 我以為淨係大陸先會有呢D新聞既啫, 係香港都竟然會有塌樓既事發生...? 咩世界呀? 真係回歸佐之後連民情都越黎越大陸化呀?

 

前排, 西九龍阿媽掟女再自殺, 唔係呀麻? 痴線架? 駛唔駛自殺呀? 仲要掟自己個女落去? 雖然人已經唔係度, 但真係唔好怪我既批評, 你要死你死遠D呀, 唔好累人累物呀, 你咁跳落去, 下面如果有人比你壓親咁點算呀? 你要死你自己去死呀, 唔好拉埋你個女落水呀, 你無權剝奪佢生存既權利架! D人低智低EQ真係唔適合做人父母囉, 盞連累下一代. 個小朋友雖然大難不死, 但將來既路亦都唔容易行...

 

話就話佢咁樣咁衝動跳落去, 9成都係情緒失控失去理智, 但人就係要經過唔同既困難同經歷, 先可以有更好既將來, 如果連少少問題都要以死黎解決, 咁要死幾多次先夠呀??

 

而家好彩個小朋友無受傷(但心靈上既創傷都唔知要幾耐先可以復原), 同埋無壓親人, 都算係一幸中既大幸...?

 

 

 

另外想講一單已經係幾個月前既新聞, 就係有個中醫師有老婆同二奶, 個二奶鍊唔嬴, 就攬埋對子女燒炭自己, 點知死死吓辛苦得濟自己走去報警, 最後自己死唔去係度獻世, 難為對仔女不明不白無啦啦就咁去佐...

 

新聞仲話個大婆同二奶曾經有段時間係生活係同一屋簷下... 嘩, 真係仲誇張過D九流電影劇情. 兩個女人竟然可以一齊住, 無論個大婆同個二奶都係神經病架, 咁都忍得到既?

 

仲有呀, 為佐一個咁不知所謂既男人, 駛唔駛死呀?? 呢個世界D男人死Q晒呀? 就算呢個世界D男人死鬼晒, 你都唔好揀個咁既臭男人啦, 有家室仲要出去沙沙滾, 出去滾都算, 仲要滖到帶埋二奶返屋企一齊住喎, 都腎腎地架.

頂呀!!! 咁無聊既野都要係日本幫你買??!!

流沙包黎日本, 循例又有一大班人託佢買野.

Fancl House果D例牌買佐一大堆, 係咪好平我唔知, 我從來無用過Fancl House, 淨係知霸佐個喼好多位…

最最激氣係佢幫人買既野, 真係令我啤一聲.

其一係幫兩個人買兩部即影即有相機, 買佐之後, 第二日又要專登去買埋菲林, 問流沙包每盒菲林平幾多錢啦, 咩話? 每盒平廿蚊?? 頂, 大佬呀, 我搭車黎買既車錢唔係錢呀? 知唔知係日本搭一個地鐵站都要十幾蚊港紙呀? 來回既車錢都已經貴過你果廿蚊差價啦!!! 我又要搭車又要行黎幫你買, 我D時間唔係錢呀? 哦, 你地平果廿蚊就係錢, 我既車錢同時間就唔係錢呀? 我發火同流沙包講”平得果廿蚊就咪鬼買啦! 我比番廿蚊差價你D friends, 叫你D friends自己係香港買好過啦!!, 你今次黎日本唔係幫我帶住部份野返香港先既咩? 你幫人買咁多野, 個喼仲邊夠位幫我帶番D野返香港呀?”

其二係幫人買雙眼皮膠水, 吓? 香港無得賣咩? 點解要係日本買呀? 咩話? 日本買平D? 喂, 一支雙眼皮膠水值幾多錢呀? 比盡你最多又係平廿蚊好未呀? 頂! 最頂癮竟然係相都無張, 淨係得個名, 喂, 相都無張點幫你買呀? 唔通真係要我逐間藥房幫你搵呀?

結果真係逐間藥房搵, 搵到我發晒火, 我XYZ#$@, 都係果句, 日本買係平D, 係囉, 你既錢先係錢囉, 平十蚊八蚊都好過無; 我幫你去買所花既車錢, 幫你去搵去買所花既時間就唔係錢囉, 你知唔知我一個鐘頭既人工係幾多錢呀? 你仲要相都無張, 我間間藥房都入去搵, 你知唔知幾嘥我時間呀? 搵佐成6, 7間藥房先搵到佢要既果款膠水, 我真係爆晒粗囉…

Agnes b袋又係一定要幫人買架啦, 我自己係日本都無興趣再買AGNES b袋啦. 流沙包佢搞笑呀, 因為之前陪佢去買野買到我發晒火, 佢今次自己一個人去買完先等我放工, 我一眼見佢又幫人買野已經唔滿意(霸晒喼D位, 我D野無位放啦, 要郵寄返香港啦!?), 佢見我面色唔對路, 即刻好緊張話”今次呢個袋平佐幾百蚊架”

流沙包成日話因為要幫我拎野返香港, 佢自己都唔敢係日本買野乜濟, 驚拎唔到咁多野返香港, 咁佢又幫人買咁多野霸晒個喼D位? 自己唔敢買野都要幫人買野, 仲要只係平果雞碎咁多既無聊野, 我見佢咁樣真係忟呀!!! 成日做好人難為佐自己.

到最後我有D野都係要郵寄返香港, 用船便都駛佐我幾千円呀, 我呢D錢又唔係錢呀?

我都唔明點解D人會咁老土架, 香港又唔係無得買, 又唔係D咩特別野, 咁Q普通既野都要係日本幫你買? 你無野呀?

無聊相幾張...

某日去佐花畑牧場食雪糕同買野:


係超市買既大大粒士多啤梨:


2月21日, 流沙包返香港之日既行裝:

2010年2月20日(六) -- Tokyo Disney Sea

今日我地去佐Disney Sea.



今次係我第二次黎, 唔知點解今次我覺得Disney Sea極度唔好玩, 我諗我唔會再黎第三次架啦.

今次帶著極度失望而離開, 真係唔開心…