無啦啦扭親...

上星期四, 白白痴痴咁竟然係office扭親, 詳細都唔想講啦, 總之行路要柺下柺下.

星期五無辦法請佐SL, 走佐去睇跌打. 循例又要翳D中藥係扭傷部位.

最慘係個扭傷部位翳完D藥之後, 搞到皮膚敏感呀, 又紅又腫又痕... 嗚~

Marriott Vacation Club?

星期一放工後同流沙包去佐聽Marriott Vacation Club既Seminar, 無論你最後join唔join, 聽完後會有$500 SOGO券送番比你.

 

其實佢地幾個月前已經打黎想約我地上去, 但係我地真係唔得閒去聽, 於是佢地再打黎我都費事接電話.

 

點知幾日前佢地轉為打比流沙包, 咁啱我同流沙包星期一放工都得閒喎, 於是就上佐去聽佢地既介紹勒.

 

當初佢地話每對couple既每月收入要超過$50,000才可以去. (我都知佢地D plan應該都好貴架啦, 但無諗過咁貴囉...)

 

上到去睇完video, 聽完講解, 最後就會介紹佢地既會籍價錢... 最平20,000 points果個會籍都要$179,000; 更貴價錢既plan要成三, 四十萬都有...

 

其實我地一開始都唔打算join, 但唔知點解都要由8:30p.m.搞到11點幾先可以離開...

 

後記:

好彩我地無join到咋, 因為後尾流沙包知道原來佢有一個同事join佐, 佢個同事仲"慶幸"我地無join到, 除佐入會要比一舊錢之外, 每年仲要比幾千蚊management fee; 當初個staff sell我地果陣, 話個會籍可以隨時轉讓, 好似賣樓咁賣番出去(我第一時間都覺得呢D會籍只會有價無市既啫), 但係流沙包個同事話佢呢一年黎將個會籍放係不同網站/agent度出售, 都無人問津囉...

Cova Ristorante & Caffe -- 甜品buffet

地址: 九龍塘達之路80號又一城 LG1-11 舖

電話: 2265 8688

 

五一假期同流沙包出佐又一城睇佐兩套戲, 同埋夜晚去佐COVA食甜品buffet, 未計加一每位$188.

 

呢度除佐cake之外都有少少鹹點既, 例如有鴨胸, 芝士吞拿魚通粉.

 

cake既款式都唔少既, 我見不斷都有cake擺出黎, 但食幾件都已經好"漏", 睇到新既拎出黎都唔想再食.

 

最想講既係呢度衞生麻麻, 好多蚊滋係D cake上面飛黎飛去, 同埋成餐飯我比蚊叮佐兩撻呀, 仲要叮臉!

 

呢D buffet真係試一次就夠, 我唔會再去架啦~

 

是次每人消費約$200.

 

(D相用i-phone影, 質素麻麻)

 

 

 

 

 

 

煮館 The Tavern -- 好好味既湯飯

地址: 銅鑼灣波斯富街48號優食橫町3樓E店

電話: 3173 8193

 

某星期五晚同流沙包去佐銅鑼灣既煮館食飯, 呢度既食物都幾特別, 雖然係食中菜, 但係都有D fusion既感覺.

 

我地叫佐兩個set dinner, 有幾款小食+一個主食如湯飯/面.

 

我加錢將個面轉做苟蒻面, 好特別呀, 值得一試.

 

流沙包個湯飯好好味呀, 個湯好好飲~

 

不過呢度有樣野唔好, 就係水吧果部攪拌機, 超級嘈, 嘈到心煩, 同埋嘈到根本傾唔到偈, 如果呢方面可以改善下就好勒.

 

珍惜大自然

前排狂落雨落佐好幾日, 因為我屋企附近就係元朗公園, 所以每逢落雨就會見到好多小動物出現, 例如蝸牛, 青蛙等等.

 

每次見到呢D小動物我都會好興奮, 因為我覺得佢地好得意, 同埋得知佢地係元朗公園應該都住得好好.

 

不過落雨天行路就要望實地面啦, 因為我唔想一個唔覺意踩落去做佐殺人兇手. 

 

 

2009年4月13日(一) -- 睇戲: 神槍手

復活節假期最後一日, 朝早要出屯門同流沙包屋企人飲茶, 跟住我同流沙包去佐睇神槍手.

 

我覺得呢套戲好唔掂, 我唔知係劇本問題定係個導演問題.

 

個劇本已經老老土土咁, 另外我覺得導演好似想表達好多野, 但最後卻咩都講唔到出黎, 好空洞.

 

最尾仲要超老土咁有句對白:"我覺得高手係可以並存既", 唉, 呢D留番比觀眾自己去細想同發揮啦, 駛唔駛咁畫公仔畫出腸呀?

 

然後葉璇果part更加唔知佢想表達D咩囉, 呢part我覺得根本係多餘...

 

同埋我覺得套戲個節奏好怪, 所以我比呢套戲60分only.

歐洲之旅終於落實~

食完lunch buffet我地就落佐旺角既勝景遊報名, 我地結佐婚兩年, 終於有機會去到honeymoon啦~ 我地join佐個13天10國既旅行團, 去既國家包括: 意大利, 梵蒂岡, 奧地利, 德國, 列茲登士坦, 瑞士, 荷蘭, 比利時, 法國, 英國.

 

未計tax, fuel chg, 小費, 保險等等, 淨團費每位$21,998.

 

6月尾出發, yeah!! 好期待呀~~

海景咖啡廊 Café Rendezvous -- lunch buffet

地址: 尖沙咀麼地道70號海景嘉福酒店M層

電話: 2731 2860

復活節假期第三天, 同流沙包去佐食lunch buffet. 食物種類都算多既, 都係魚生, 壽司, 中式點心, 印度薄餅, 雞牛羊豬之類, 海鮮有青口, 蝦同埋螺. D螺太難咬啦, 我食佐兩隻已經食到棚牙好攰; 但流沙包竟然食佐十幾隻.

 

甜品方面都算多選擇, cheese cake, tiramisu等都有, 例牌既朱古力噴泉都有囉.

 

下次有機會試埋個tea buffet先.

 

 

 

 

 

2009年4月10日(五) 下 -- 夜晚食齋, 跟住上振宇屋企玩

去完昂坪360後我地返屯門食齋, 跟住當然唔少得上振宇屋企玩啦.

 

不過今晚有個小插曲, 就係我地今晚去食飯果間齋舖隔離, 有沙井爆炸事件發生, 好多警察, 消防, 記者係度呀~ 希望傷者快D痊癒啦.

2009年4月10日(五) 上 -- 人山人海的昂坪360

係灣仔食完鐵板燒之後, 我地即興地去佐昂坪360搭水晶纜車. 嘩, 超多人, 淨係排隊買飛都等佐大半個鐘, 買完飛之後等排隊上車又等佐大半個鐘. (因為水晶車廂要等好耐先有一架)

 

上到昂坪更加恐怖, 多人到呀... 我地上到去已經四點幾五點, 條落山人龍排到出佐昂坪市集, 排到差唔多去到食山水豆腐花既士多對面, 好誇張呀, 我地影下相, 食埋個豆腐花就排隊落山.

 

淨係排隊落山都排佐個幾鐘, 等到成七點鐘, 天都黑齊晒了, 全黑既車廂我覺得有D恐怖耶...

 

奉勸大家, 千祈唔好趁長假期去昂坪360, 迫死你~